وصية شهيد بقلم الشاعرة سهام نجيب خيربك
{وصية شهيد}.
..........
ياريت فيي دل
عالخاين وسميه
عديم الضمير
والشرف الماالو ذمة
المجرم اللي استباح
دم رفقاتي ودمي
دخلك ياربي صبرا لأمي
من كنت طفل صغير
شايلة همي
حبيت أني فرحك بالعيد
صرلي زمان كتير
عنك ياامي بعيد
قديش مانك مشتهيي ضمي
مالحقت اتعطر
والبسلك توب جديد
جيتك ياأمي ببدلتي المغبرة
تاتفرحي بشوفتي
وتنزاح من صدرك هالغمة
شو بقول
شو بقول
الأرض الحنونة أخدتني ياأمي
وتراب الوطن تعطر بدمي
أبكي ياامي ولملمي كمشة تراب
وريحتي شمي
مطرح ماجسمي تناثر
وتطرطش بدمي
وصلي ياأمي وزغردي
وهني
بشهادتي بيي وجيراني
وعمتي وعمي
وعلقي على حيطان بيتي
بارودتي ورسمي
وابني اللي جايي بعد كم شهر
على اسمي سمي
ولما بيكبر قولي لو
شهيد الوطن والأمة
ودافع ياابني عن بلادك
وخلي علمها مرفوع بالقمة.
................ ..........
.........
تعليقات
إرسال تعليق