بيت مهجور بقلم الشاعر نوفل خليل عباس
ع بيتكن مريت بالصدفي
شبابيك مخلوعه بلا درفي
والباب مهري مكسرا لعتاب
والمصطبي وسراجكن مطفي
ع الحيط تكيت شجرة العناب
ومكسرا العيدان بالغرفي
طير السنونو بعد سنة غياب
راجعا وعا عشها بتلفي
وعصفور فوق الموقده ومزراب
مكسور ومعلق على الشرفي
وتوتة ال بالدار حد الباب
ما بقي من غصانها نتفي
والسطح مرمي وتختخو الخشاب
ومهبط السيباط ع الحفي
وبالحيط ود معلقين تياب
الشروال والطربوش والكفي
العليق غطى الدرب والاعشاب
بالدار بوره والدرج مخفي
وحدو ع تاني ميل خلف الباب
المحدلي والقوس بالساموك
وبالارض جوره حافرا الدلفي
**؟******************
20/5/2022
تعليقات
إرسال تعليق