سنة مكحلة بالدم بقلم الشاعر حسني ابو عزت

( سنة مكحلة بالدم )

باللهجه المحكية

يالله تزيني يا شام وكحلة حطيها
من دمعة الفرحة بالخدود شطيها

لا في كهربا ولا مي وأسعار تكوينا
تروح بلا رجعة وما نجيب طاريها

بكرى تنتهي يا خي لتصير ماضينا
ما ضل شمس للفي بردت خواليها

بالله ضحكي يا شام الهموم نسينا
حتى لو جكر فيها الذاكرة نمحيها

سنة ماخطرت على بال إنها تجينا
لو غنينا ألف موال ما ظني نحليها

سنة معسعسة بالهم هدت نواحينا
بعنا الأرض و الدار راح الأمل فيها

سنة مغمسة بالدم  غابت سوارينا
شباب هاجرت باليم و النو جانيها

سنة مغلفة بالسم وتبرم طواحينا
مات فيها ابن العم  بقيصر تواليها

سنة مهلوسة  بالشم  حتى تعادينا
رجال تحطمت بالغم  النوم ساليها

يالله رقصي يا شام و هلي بليالينا
خلي فكر السلام و بجمعة غواليها

بيكفي ظلم بالناس خلصت أمانينا
و صار الوقت حساس بكل زواليها

بقلمي حسني ابو عزت ٣٠//١٢//٢٠٢٢